Úkimet ishki naryqty áleýmettik mańyzy bar azyq-túlik taýarlarymen tolyqtyrý boıynsha sharalardy qabyldap jatyr. Bul týraly Ortalyq kommýnıkasııalar qyzmeti alańynda Aýyl sharýashylyǵynyń birinshi vıse-mınıstri Aıdarbek Saparov aıtty, dep habarlaıdy Egemen.kz.
«7 sáýirdegi jaǵdaı boıynsha un qory 118 myń tonnany quraıdy, onyń ishinde turaqtandyrý qorlarynda 10 myń tonna, «aınalym shemasy» sheńberinde 22 myń tonna, óndirýshilerde 48 myń tonna, qoımalarda shamamen 20 myń tonna, saýda obektilerinde 18 myń tonna. Kórsetilgen kólem ishki qajettilikti qamtamasyz etý úshin jetkilikti. Sonymen qatar Azyq-túlik korporasııasynyń resýrstarynda 800 myń tonnadan astam astyq bar, olar qajet kezinde jaǵdaıdy turaqtandyrý úshin ishki naryqqa jiberiledi», dep sendirdi A. Saparbaev.