Úndistannyń Ýttar-Pradesh shtatynda bolǵan qatty daýyl men nóser jańbyr 89 adamnyń ómirin jalmady, dep habarlaıdy Egemen.kz.
Tabıǵı apat Praıagradj, Pratapgarh, Bhadohı, Fatehpýr, Ýnnao, Kanpýr-Dehat, Chandaýlı, Sonbhadra jáne Badaýn aýdandarynda keń taraǵan. Keıbir óńirlerde jel aǵashtardy tamyrymen julyp, elektr jelilerin qulatyp, turǵyn úılerge zaqym keltirgen.
Úndistandaǵy feıerverk zaýytynda jarylys boldy: 23 adam qaza tapty
Saldarynan turǵyndardyń basym bóligi qabyrǵa men qalqandardyń astynda qalyp qoıǵan. Olardyń daýyldan qorǵaný úshin panalaǵan jerlerdiń ózi opyrylyp túsken. Sonymen qatar naızaǵaı túsýi men qulaǵan aǵashtar da adam ólimine sebep bolǵan.
Aldyn ala málimet boıynsha, jaraqat alǵandar sany 53 adamǵa jetken. Sondaı-aq tabıǵı apat saldarynan 114 mal qyrylǵany habarlandy.
Qazirgi ýaqytta naqty shyǵyn kólemi anyqtalyp jatyr. Qaza tapqandar men zardap shekkenderdiń otbasylaryna ótemaqy tólenetini aıtyldy.
Eske sala keteıik taıaýda Pavlodar oblysynda bolǵan dúleı daýyl saldarynan mektepter qırap, adamdar aýrýhanaǵa túsken bolatyn.