Qasym-Jomart Toqaev áleýmettik jelidegi paraqshasynda Rejep Taııp Erdoǵanmen birge túsken fotosyn jarııalady. Kezdesý 13 mamyr kúni ótken, dep habarlaıdy Egemen.kz.
Foto Astanada eki el basshylarynyń kezdesýi kezinde túsirilgen. Kadrdaǵy jyly atmosfera áleýmettik jeli qoldanýshylarynyń úlken qyzyǵýshylyǵyn týdyrdy.
Prezıdent jazbasynda: «Qadirli baýyrym Rejep Taııp Erdoǵanmen rezıdensııamdaǵy emen-jarqyn áńgimelesý sátinen. Astana.13 mamyr», dep jazǵan.
Jeli qoldanýshylary bul sýretti baýyrlastyqtyń, ózara qurmettiń jáne túrki halyqtarynyń birliginiń sımvoly retinde baǵalap, «Qazaqstan men Túrkııa dostyǵy nyǵaıa bersin», «Naǵyz baýyrlastyq ekrannan da seziledi», «Halyqtarymyzdyń birligi máńgi bolsyn» degen jazbalar qaldyrǵan.
Eske sala keteıik, Rejep Taııp Erdoǵan Qazaqstanǵa memlekettik saparmen 13 mamyr keshinde keldi. Ony áýejaıda Qasym-Jomart Toqaev ózi qarsy aldy.