9 sáýirden bastap Chehııaǵa kelgen sheteldikter úshin koronavırýsqa qatysty barlyq shekteý sharalary toqtatyldy, dep habarlaıdy Egemen.kz.
Chehııanyń Syrtqy ister mınıstrligi óziniń veb-saıtynda jazǵandaı, týrısterge endi vaksınasııany rastaıtyn sertıfıkat alyp júrý mindetti emes.
Vedomstvonyń málimetinshe mundaı sheshim Chehııa men basqa elderdegi epıdemııalyq jaǵdaıdyń jaqsarýyna baılanysty qabyldandy.
«9 sáýirden bastap SARS-CoV-2 vırýsynyń Chehııada jáne álemde taralýynyń qazirgi jaǵdaıyn eskere otyryp, barlyq qorǵanys sharalary joıyldy», dep málimdedi Chehııa Densaýlyq saqtaý mınıstrliginiń baspasóz hatshysy Ondrjeı Iаkob.