30 naýryz kúni Qaraǵandy oblysy Aqtoǵaı aýdandyq polısııa bólimine aýdanǵa qarasty aýyldardyń birinde belgisiz bireý ákimshilik ǵımarattyń temir qorshaýyn urlamaqshy bolǵan, dep habarlaıdy Egemen.kz.
Kúdikti jymysqy áreketin sońyna deıin isteı almaǵandyqtan, qorshaýdy búldirip tastap ketken. Keltirilgen shyǵyn kólemi 50 myń teńgeni quraǵan. Atalǵan faktige baılanysty Qazaqstan Respýblıkasy Qylmystyq kodeksiniń 24-188 babyna (Urlyqqa oqtalý) sáıkes qylmystyq is qozǵaldy.
5 sáýir kúni polısııa qyzmetkerlerimen osy iske qatysy bar degen kúdikpen 42 jastaǵy kúdikti ustaldy. Ol temir qorshaýdy urlap, satyp jibermekshi bolǵany týraly moıyndady. Tergeý amaldary júrgizilýde.