Elordada áıelder arasyndaǵy 2023 jylǵy álem chempıonatynyń irikteý týrnıriniń matchy ótti, dep habarlaıdy Egemen.kz.
Qazaqstan quramasy Ýels quramasymen oınady.
Burymdy fýtbolshylarymyz 0:3 esebimen ese jiberdi. Ýels sapynan goldardy Keılı Grın (30-shy), Natasha Hardıng (42-shi) jáne Djessıka Fıshlok (65-shi) soqty.
Qazaqstan quramasy úshin bul resmı kezdesýlerdegi qatarynan 17-shi jeńilis boldy.
Qazaqstandyq fýtbolshylar 2018 jyldyń 12 maýsymynda Bosnııa jáne Gersegovına quramasyn (2:0) jeńgennen beri jeńiske jete almaı keledi.
Qazaqstannyń qazirgi irikteý kezeńindegi kórsetkishine keletin bolsaq, qurama jeti kezdesýde jeti jeńiliske ushyrady.