Elordada Bıllı Djın Kıng kýbogy aıasynda ótip jatqan Qazaqstan – Germanııa matchynda Elena Rybakına esepti 2:0-ge jetkizdi, dep habarlaıdy Egemen.kz Prosports.kz portalyna silteme jasap.
Qazaqstannyń birinshi, álemniń 19-raketkasy E. Rybakına dúnıejúzilik reıtıngte 232-orynda turǵan Laýra Zıgemýndpen synǵa tústi.
E. Rybakına 22 jasta bolsa, germanııalyq tennısshi 34-te. Osyǵan deıin qarsylastar úsh márte kezdesip, sonyń ekeýinde qazaqstandyq tennısshi jeńgen edi.
Bul joly E. Rybakına birinshi partııada L. Zıgemýndqa birde-bir geım bermeı, 22 mınýtta 6:0 esebimen tize búktirdi.
Ekinshi setti germanııalyq sportshy breıkpen bastaǵanymen, Elena tarazy basyn sol boıda teńestirip qana qoımaı, esepti 5:1-ge jetkizdi.
Osylaısha esep 2:0 boldy. Qazaqstan alda kele jatyr. Qazaqstan – Germanııa matchy erteń jalǵasady. Qazaqstandyqtarǵa qalǵan kezdesýlerde bir upaı alsa, jetip jatyr. О́z tarıhynda alǵash ret Bıllı Djın Kıng kýbogynyń fınaldyq kezeńine joldama alady.