Polsha prezıdenti Andjeı Dýda jańa zańǵa qol qoıdy. Ol boıynsha Reseıden kómir ımporttaýǵa tyıym salynady, dep habarlaıdy Egemen.kz.
Mundaı sheshim, Polsha prezıdenti keńsesiniń málimdemesinde aıtyldy.
Bul shekteý Reseıdiń Ýkraınadaǵy áreketine baılanysty engizilip otyr jáne ol ulttyq qaýipsizdikti qorǵaýǵa baǵyttalǵan.
Buǵan deıin Polsha parlamentiniń eki palatasy bul zańdy qabyldaǵan bolatyn. Tyıym tek memlekettik emes, sonymen qatar jeke fırmalarǵa da qatysty. Ony buzǵandar bas bostandyǵynan aıyrylady.
Reseıdi qoldaıtyn sharýashylyq sýbektileri ishki ister mınıstrligi men Polsha ákimshiliginiń arnaıy tizimine engiziledi. Olardyń qarajaty men basqa da aktıvteri buǵattalady.
IIM basshysy bul tizimdi óz betinshe nemese arnaıy qyzmetter men basqa da memlekettik basqarý organdarynyń ótinishi boıynsha toltyratyn bolady.