29 naýryzda úıden shyǵyp ketken 1996 jyly týǵan azamatty izdestirý maqsatynda «QAZAVIASPAS» AQ MI-8 ushaǵy qoldanyldy, dep habarlaıdy Egemen.kz Tótenshe jaǵdaılar departamentine silteme jasap.
Saǵat 11:40-ta Beıneýden TJD jedel tobyna taǵy 5 adam qosyldy, onyń ishinde iz-túzsiz joǵalǵandardyń týysy da bar.
Izdestirý Beıneý aýylynyń soltústik jáne soltústik-shyǵys bóliginde 50 shaqyrym radıýsta júrgizildi. Izdeý jumystary tómen bıiktikte júrgizildi. Jazyq jerlerge, shatqaldarǵa, jartastarǵa erekshe nazar aýdarylady.
Izdestirý-qutqarý jumystary Beıneý aýylynyń soltústik jáne soltústik-shyǵys bóliginde bastalyp, Qarabulaq taýyn aınalyp ótetin Saıym-Qulansaıdyń boıynda, Qarabulaq taýyn aınalyp ótetin temir jol, Sarǵa aýyly men Saryarqa aýyly arasyndaǵy munaı jáne gaz qubyrlary boıynda júrgizildi.
Izdeý nátıjesiz aıaqtalyp, 15:56-da tikushaq turaqty ornyna oraldy.