2022 jylǵy 1 naýryzdaǵy jaǵdaı boıynsha el halqynyń sany 19 mln 160 myń 700 adamdy qurady, onyń ishinde qalalyq – 11 mln 405 myń (59,5%), aýyldyq - 7 mln 755,7 myń (40,5%) adam, dep habarlaıdy Egemen.kz.
Ulttyq statıstıka bıýrosynyń aqparaty boıynsha, 2021 jyldyń 1 naýryzymen salystyrǵanda halyq sany 243,5 myń adamǵa nemese 1,3%-ǵa ósti.
Bul rette áıelder - 51,4%-dy, erler - 48,6%-dy quraıdy.
«2022 jylǵy qańtar-aqpanda respýblıka halqynyń tabıǵı ósimi 2021 jylǵy qańtar-aqpanmen salystyrǵanda (42,1 myń adam) 15,1%-ǵa tómendep, 35,7 myń adamdy qurady. Tabıǵı ósimniń jalpy koeffısıenti 1000 adamǵa shaqqanda 11,50 adamdy qurady», delingen Ulttyq statıstıka bıýrosynyń derekterinde.
AHAT organdarynyń derekteri boıynsha 2022 jylǵy qańtar-aqpanda týylǵandar sany 62,8 myń adamdy qurady, bul 2021 jylǵy tıisti kezeńge qaraǵanda 4,5%-ǵa az (65,7 myń adam).
Qaıtys bolǵandardyń sany 27,1 myń adamdy qurady, bul 2021 jylǵy qańtar-aqpanǵa (23,7 myń adam) qaraǵanda 14,4%-ǵa artyq. О́lim-jitimniń jalpy koeffısıenti 1000 adamǵa 8,70 ólimdi qurady.
Sonymen qatar jyl basynan bastap eki aıda 1 jasqa deıingi 537 shetinegen náreste tirkeldi. О́tken jyldyń sáıkes kezeńimen salystyrǵanda (517 sábı qaıtys bolǵan) balalar ólimi 3,9%-ǵa artty. Náresteler óliminiń koeffısıenti 1000 týylǵanǵa 8,55 jaǵdaıdy qurady.