О́tken aptada fýtboldan klýbtar arasyndaǵy eń iri eki týrnır – Chempıondar lıgasy men Eýropa lıgasynyń shırek fınal oıyndary aıaqtalyp, jartylaı fınalǵa joldama alǵan eń úzdik tórt komanda belgili boldy. Chempıondar lıgasynyń ½ fınalyna Anglııa men Ispanııadan eki-eki klýbtan shyqsa, ekinshi deńgeıli Eýropa lıgasynyń jartylaı fınalynda Germanııanyń – eki, Anglııa men Shotlandııanyń bir-bir komandasy oınaıtyn boldy.
Chempıondar lıgasynyń jartylaı fınal básekeleriniń alǵashqy jaýap kezdesýinde birinshi oıynda osy týrnırdiń qazirgi chempıondary – Anglııanyń «Chelsıin» qonaqta 3:1 esebimen jeńgen «Real» Madrıdtegi qarymta kezdesýdiń negizgi ýaqytynda qarsylastaryna dál osyndaı eseppen jol berdi. London klýbynan Maýnt, Rıýdıger jáne Verner gol soqsa, alań ıeleri sapynan Rodrıgo 80-mınýtta esep aıyrmasyn qysqartyp, komandasynyń qutqarýshysyna aınaldy. Eki matchtyń esebi 4:4 bolǵandyqtan, jeńimpaz komandanyń esimi eki ekstra-taımda anyqtaldy. Qosymsha ýaqytta «Real» shabýylshysy Kárim Benzema eki oıyndaǵy tórtinshi (Londonda bir ózi úsh dop soqqan) golyn salyp, komandasyn jartylaı fınalǵa shyǵardy.
Al óz alańynda «Bavarııadan» (Germanııa) basym túsken Ispanııanyń «Vılıarrealy» (1:0) týrnırdegi sensasııasyn Mıýnhende de jalǵastyrdy. Qarymta matchtyń negizi ýaqyty aıaqtalýyna eki mınýt qalǵanǵa deıin 1:0 esebimen jeńilip jatqan «Vılıarreal» fýtbolshylary 88-mınýtta tarazy basyn teńestirip, óz tarıhynda ekinshi márte Chempıondar lıgasynyń jartylaı fınalyna joldama aldy. «Mıýnhen mashınasy» atanǵan «Bavarııa» osylaısha shırek fınalda «avarııaǵa» ushyrap, týrnırden shyǵyp qaldy.
Anglııadaǵy shırek fınaldyń alǵashqy oıynynda «Atletıkony» 1:0 esebimen jeńgen «Manchester Sıtı» syrt alańda Madrıd klýbymen teń oınap (0:0), jarystyń keıingi kezeńine joldama aldy. Sonymen qatar syrt alańda Portýgalııanyń «Benfıkasyn» 3:1 esebimen senimdi túrde jeńgen Anglııanyń «Lıverpýl» klýby óz alańynda 3:3 nátıjesimen teń oınap, jartylaı fınalǵa shyqty.
½ fınalda jankúıerler Ispanııa jáne Anglııa klýbtarynyń teke-tiresin tamashalaıtyn boldy. Alǵashqy jupta «Manchester Sıtı» men «Real» klýbtary oınasa, ekinshi jupta «Lıverpýl» men «Vılıarreal» fınal joldamasyn sarapqa salady. Kezdesýler 26-27 sáýir men 3-4 mamyr kúnderine josparlanǵan.
Tuńǵysh ret Eýropa lıgasyna qatysyp jatqan «Barselona» «Aıntrahttan» jeńilip, jankúıerleriniń aldynda uıatty boldy. Alǵashqy oıynda eki komanda teń oınasa (1:1), Ispanııadaǵy qarymta kezdesýde germanııalyqtar 3:2 esebimen basym tústi. «Aıntraht» jartylaı fınalda «Lıondy» eki oıynda (4:1) jeńgen «Vest Hem» klýbymen kezdesedi. Al jartylaı fınaldyń ekinshi jubynda «Atalantany» utqan «Leıpsıg» (1:3) pen «Bragadan» basym túsken «Glazgo Reındjers» fınal joldamasyn sarapqa salatyn boldy. Bul oıyndar 29 sáýir men 6 mamyr kúnderi ótedi.