Sybaılas jemqorlyqqa qarsy qyzmet Bas prokýratýranyń úılestirýimen «О́KM Operatory» JShS-niń 180 mlrd teńge kóleminde qarjy jymqyrýyna jol bermedi, dep habarlaıdy Egemen.kz.
«Ekologııa, geologııa jáne tabıǵı resýrstar mınıstrliginiń laýazymdy tulǵalary jáne «О́KM Operatory» JShS basshylyǵy elektr energııasyn óndiretin 6 qoqys jaǵatyn zaýyt salý úshin jeke uıymdy zańsyz qarjylandyrý jolymen kádege jaratý alymdary túrinde jınalǵan 180 mlrd teńgeni urlaýǵa nıettengen.
Bul rette elektr energııasyn memleket 15 jyl ishinde negizsiz joǵary tarıf boıynsha satyp alýǵa jáne jeke kompanııaǵa mıllıardtaǵan paıda ákelýge kepildik berýi kerek bolǵan.
Ýaqtyly qabyldanǵan sharalar nátıjesinde atalǵan zańsyz áreketter áshkerelendi», delingen habarlamada.
Buǵan deıin Ekologııa vıse-mınıstri men «О́KM Operatory» JShS burynǵy basshylary qamaýǵa alynǵan bolatyn.
О́zge aqparat tergeý múddesinde jarııa etýge jatpaıdy.
Aıana Toǵanbek