Elordada Reseıdiń Sverdlov oblysynyń aýmaǵynda birneshe urlyq jasaǵany úshin izdeýde júrgen О́zbekstan azamaty ustaldy, dep habarlaıdy Egemen.kz.
Nur-Sultan qalasynyń aýmaǵynda jedel-izdestirý sharalaryn júrgizý barysynda memleketaralyq izdeýde júrgen qylmysker, 39 jastaǵy О́zbekstan Respýblıkasynyń azamaty qolǵa tústi.
«2017 jyldyń jeltoqsanynan 2018 jyldyń sáýirine deıin uıymdasqan toptyń quramynda bolǵan er adamnyń Reseı Federasııasynyń Sverdlov oblysy aýmaǵynda júk kóliginen urlyq jasaǵany anyqtaldy. Kórsetilgen kezeńde ustalǵan azamat basqarǵan toptyń qatysýshylary kólik quraldarynan kem degende 18 ret uıymdardyń múlkin jasyryn urlaǵan», dep jazdy astanalyq polısııa departamenti.
2019 jyldyń shildesinde Reseıdiń Sverdlov oblysy boıynsha quzyrly organdary kúdiktige Reseı Federasııasy Qylmystyq kodeksiniń 158-baby 4-bóliginde kózdelgen qylmysty jasaǵany úshin memleketaralyq izdeý jarııalaǵan.