Búgin Semeı qalasynda voleıboldan áıelder arasynda klýbtyq Azııa chempıonaty bastalady, dep habarlaıdy Egemen.kz.
ShQO aqparat ortalyǵynyń málimetinshe, týrnırdi Qazaqstan Respýblıkasynyń Voleıbol federasııasy, oblystyq Dene shynyqtyrý jáne sport basqarmasy men «Altaı» voleıbol klýby uıymdastyryp jatyr.
«Saıys Qaraǵaıly shaǵyn aýdanyndaǵy «Arena» mádenı-sport kesheninde ótedi. Oǵan áıelder arasyndaǵy voleıboldan sary qurlyqtyń eń úzdik 6 komandasy qatyspaq. Chempıonat aıasynda Qazaqstan, Japonııa, Taıland, О́zbekstan jáne Iran elderiniń komandalary baq synaıdy. El namysyn shyǵysqazaqstandyq «Altaı» jáne Soltústik Qazaqstan oblysynyń «Qýanysh» klýbtary qorǵaıdy», delingen málimette.
Chempıonat 1 mamyrǵa deıin sozylady. Kirý tegin. Alǵashqy oıyn Taıland pen О́zbekstan quramalary arasynda ótedi.