Áleýmettik jáne basqa da nysandardy jańǵyrtý boıynsha jobalar bıyl Qazaqstannyń 492 aýylynda iske asyrylady. Bul týraly QR Ulttyq ekonomıka mınıstri Álibek Qýantyrov málimdedi, dep habarlaıdy Egemen.kz.
«2022 jyly 914 jobany iske asyrýǵa 100 mlrd teńge bólindi, olar damý áleýeti bar 492 aýylda júzege asyrylady», dedi Álibek Qýantyrov QR Parlamenti Májilisindegi Úkimet saǵatynda sóılegen sózinde.
Mınıstrdiń aıtýynsha, bul qarajat turǵyn úı-kommýnaldyq sharýashylyq salasynda-95, áleýmettik ınfraqurylymda-313, bilim berý jobalarynda – 123, Densaýlyq saqtaý salasynda – 51, mádenıet salasynda - 62 jáne sportta – 77 jobany iske asyrýǵa múmkindik beredi.
«Sondaı-aq, kólik ınfraqurylymynyń 506 jobasy júzege asyrylady», dedi Álibek Qýantyrov.
Budan buryn habarlanǵandaı, QR-da úsh myńnan astam aýyl jańǵyrtylady.
Aıana Toǵanbek