Bir aýdannyń ákimi bir kúnniń ishinde 50 myń úıdi aralap shyǵa ala ma? Bul fızıkalyq turǵyda múmkin emes. Adal partııasy saılaýaldy baǵdarlamasynda «Sıfrly aýdandardy damytý» dep atalatyn platforma ázirledi. Muny osy ýaqytqa deıin Táýelsizdiktiń 30 jyldyǵynda birde-bir partııa jasaı almaǵan edi.
Onda Qazaqstandaǵy búkil aýdannyń bıýdjeti ashyq kórsetildi. Qaı aqsha qaıda jumsalyp jatqany jarııalandy. Buǵan kópshilik tańǵaldy. Árbir adam úıinde otyryp-aq problemalardy ashyq kórsete alady. Onyń báriniń tizimi ázirlenip qoıylǵan bolatyn. Laık basý arqyly qoǵamnyń nazaryn aýdaratyn negizgi másele alǵa shyǵady.
Ekinshiden, aýylǵa ne jetispeıdi? Qoǵamdyq orta kerek, estý qajet. Oǵan da daýys kerek. Bul bıznes ashqysy keletin azamattarǵa da úlken múmkindik. Osyndaı óte tıimdi sıfrly jobalar jasalǵan edi. Alaıda muny júzege asyrýda qıynshylyqqa tap keldik. О́ıtkeni qolymyzda qajetti resýrs bolǵan joq. Kelesi saılaý qashan ótedi? Oǵan Adal partııasy qajetti daýysty jınaı ala ma?
О́zekti máselelerdi feısbýkte otyryp jaza berýge bolady. Biraq halyqqa ózgeris erteń emes, dál qazir kerek. Sondyqtan biz josparymyz ben ıdeıalarymyzdy júzege asyrý úshin Amanat partııasyna qosylýǵa sheshim qabyldadyq. Birinshiden, bul biz úshin úlken múmkindik. Ekinshiden, bul bıliktiń bizben sanasýy, Adal partııasynyń popýlızmmen emes, naqty taldaýmen aınalysatynyna kózi jetkendigi dep oılaımyn.
О́ıtkeni buǵan deıingi saılaýaldy baǵdarlamasynda jazǵanymyzda, telearnalarda aıtqan sózderimizde halyqtyń muń-muqtajyn joqtaýǵa tyrystyq. Mysaly, eń tómengi jalaqy mólsherin 60 myń teńgege deıin kóterý týraly usynysty Adal partııasy aıtqan bolatyn. Sondaı-aq jeke tulǵalardyń bankrottyǵyn moıyndaý máselesin de biz kóterdik. Saılaý aldynda óńirlerdi tolyqtaı derlik aralap shyqtyq. Halyqtyń teń jartysynyń tabysy 50-60 myń teńgeden aspaıtynyna kýá boldyq. Osyndaı biz kótergen máseleler týraly Prezıdent óz sózinde aıtqan-dy.
Sonymen qatar aýyl sharýashylyǵymen aınalysatyn turǵyndarǵa arnalǵan arnaıy jobamyz bar. Ol sharýalardyń isin dóńgeletýine kómektesedi. Biraq muny júzege asyrýǵa qarajat jetispeıdi. Sondyqtan ıdeıalarymyzdy júzege asyrý úshin qosylyp otyrmyz. Bizdi shyn qoldaıtyn, Adal-ǵa daýys bergen azamattar qýanady ári qoldaıdy dep oılaımyn. О́ıtkeni budan keıin sol oılardy, ıdeıamyzdy júzege asyra alamyz. Parlamentte únimiz estiledi. Zań jobasyn ázirleýge atsalysamyz.
Prezıdent Konstıtýsııalyq reforma týraly da aıtyp ótti. Bul – aýqymdy bastama. Jańa Qazaqstan qazirgi tańda kún tártibinen túspeı tur. Jańa Qazaqstannyń eski Qazaqstannan aıyrmashylyǵy nede? Eń birinshi, bul jasalatyn saıası-ekonomıkalyq reformalarǵa baılanysty. Onyń basynda, árıne, Konstıtýsııaǵa engiziletin ózgerister turady. Jańa qujatta 30-dan astam bap ózgertilmek. Prezıdentke, saılaý júıesine, Parlamentke qatysty baptarǵa ózgeris engiziledi. Iаǵnı halyqtyń kóptegen talaby oryndalyp jatyr. Seń qozǵalǵandaı áser etti. Jańa Qazaqstandy naýqanshyldyqqa aınaldyrmaý qajet. Naqty isterdi qolǵa alyp, naqty qadamdarǵa kóshý kerek. Bul is – sonyń basy.
Maqsat TOLYQBAI,
Amanat partııasy janyndaǵy Miras respýblıkalyq qoǵamdyq keńesi tóraǵasynyń orynbasary