Ramazan aıy da bitýge taıaý. Kúlli musylman halqy asyǵa kútetin qasıetti Qadir túni de kelip qaldy. Bıyl ol 27 sáýirden 28 sáýirge qaraǵan túnge sáıkes kelip tur, dep jazady Egemen.kz.
Qadyr túni degen ne?
Qadyr túni - qazaqsha ataýy, arab tilinde Lıaılıatýl-Kadr nemese Al-Kadr dep aıtylady. Qadyr túninde Muhammed paıǵambarǵa Jábireıil perishte kelip, Qurandy bergen dep sanalady. Bul Ramazan aıynyń aıaǵy, ıaǵnı on túniniń biri bolǵan.
Qadyr túnin qalaı qarsy alý kerek?
Qadyr túni bastalǵanǵa deıin tolyq dáret alǵan jón, sonymen qatar, teris oılardan jany men júregin aýlaq ustaǵan jón. Osy túnde jasaǵan kúnálaryńyz úshin keshirim surap, ókinip, kóp duǵa etýińiz kerek, óıtkeni dál osy túnde adam ómirinde bir jyl ishinde bolatyn barlyq nárse jazylady dep sanalady.
Qadyr túninde ne isteýge bolmaıdy?
- Spırttik ishimdikter ishýge bolmaıdy.
- Ǵaıbat aıtýǵa, bos áńgimege úıir bolýǵa bolmaıdy.
- Túnde uıyqtamaǵan abzal.
- Urysýǵa, bireý týraly jaman nárse aıtýǵa bolmaıdy.
- Fılmder men oıyn-saýyq baǵdarlamalaryn kórýge bolmaıdy.
Qadyr túnin qaıda ótkizý kerek?
Bul túndi oıyn-saýyq oryndarynda ótkizýge bolmaıdy. Qadyr túnin úıde nemese meshitte ótkizedi. Túndi jalǵyz da, jamaǵatpen de qarsy alýǵa bolady.
Bul túni namaz oqylady, Quran oqylady, ótken kúnderdiń, aılardyń qatelikteri taldanady, ótken renishter keshiriledi, bolashaqqa josparlar jasalady.