2022 jyly 27 sáýirde Kaspıı teńiziniń Mańǵystaý bóliginiń jaǵalaýyn zertteýdi jalǵastyrý barysynda barlyǵy 94 óli ıtbalyq tabyldy, dep habarlaıdy Egemen.kz Ekologııa, geologııa jáne tabıǵı resýrstar mınıstrliginiń Balyq sharýashylyǵy komıtetine silteme jasap.
Zertteý jumystaryn Balyq sharýashylyǵy komıtetiniń Mańǵystaý oblysy boıynsha balyq ınspeksııasy, Mańǵystaý oblysy boıynsha ekologııa departamenti, veterınarlyq qyzmet jáne jergilikti atqarýshy organ ókilderi júrgizip jatyr.
Mańǵystaý oblysy boıynsha ekologııa departamenti zerthanalyq zertteýler úshin sý men topyraq synamalaryn aldy.
Itbalyqtardyń qańqalarynyń qatty ydyraýynan ólimniń sebepterin anyqtaý maqsatynda zerthanalyq zertteýler júrgizý úshin synamalar alý múmkin bolmaǵan.
«Qazirgi ýaqytta óli ıtbalyqtardyń qańqalaryn joıý sharalary uıymdastyrylýda. Jaǵalaý monıtorıngi jalǵasýda, sý men topyraqty taldaýdan alynǵan synamalardyń nátıjesi belgili bolǵan soń qosymsha aqparat jarııalanady», dep jazylǵan habarlamada.