Qazaqstan Úkimeti jeńildetilgen avtonesıe baǵdarlamasyn bekitti. Bul týraly Indýstrııa jáne ınfraqurylymdyq damý mınıstrligi Indýstrıaldyq damý komıteti tóraǵasynyń orynbasary Oljas Saparbekov málim etti, dep habarlaıdy Egemen.kz.
«Qazir jeńildetilgen avtonesıe baǵdarlamasyn júzege asyrý úshin «Jasyl damý» AQ-dan qajetti qarajatty aýdarýǵa baılanysty prosedýralar júrgizilip jatyr», dedi ol Ortalyq kommýnıkasııalar qyzmetindegi baspasóz máslıhatynda.
Onyń atap ótýinshe, elimizde 2015 jyldan beri jeńildetilgen avtonesıe baǵdarlamasy jumys isteıdi. 2021 jyldyń mamyryna deıin 82 mlrd teńge bólinip, osy jyldyń 31 naýryzyndaǵy derekterge sáıkes, atalǵan somaǵa 30 myń kólik satyp alyndy jáne 162 mlrd teńgege zaım berildi.
«Jeńildetilgen avtonesıe alýǵa nıet tanytýshylar tarapynan suranystyń joǵary ekendigin eskere otyryp, ekinshi deńgeıli bankter jańa ótinimder qabyldap jatyr. Biraq qarajat olardyń bosaýyna oraı beriletin bolady. Baǵdarlama Halyq bank, Eýrazııalyq bank, Jýsan Bank, Sentrkredıt bank jáne Forte bank syndy ekinshi deńgeıli bankter arqyly júzege asyrylady», dedi komıtet tóraǵasynyń orynbasary.
Vedomstvo ókiliniń aıtýynsha, Qazaqstan Úkimeti 2022 jyldyń 15 sáýirinde №227 qaýly qabyldady. Atalǵan qujat avtonesıe baǵdarlamasyn 100 mlrd teńge tólsherinde qarjylandyrýdy qarastyrady.
Sonymen qatar «Jasyl damý» AQ qarajaty esebinen 30 mlrd teńge avtobýs parkin jańartýǵa jumsalady.