QR Prezıdenti Qasym-Jomart Toqaev el damýyna ózge etnostardyń qosyp jatqan úlesin memlekettik tilde nasıhattaıtyn aqparat quraldaryn barynsha qoldaýdy tapsyrdy, dep habarlaıdy Egemen.kz.
«Mádenıetimiz áralýan ekenin kórsetetin erekshe aqparatty ázirleý qajet. Sonyń ishinde, qazaq tildi aýdıtorııamen jumys júrgizgen jón. Qazaq tildi aýdıtorııanyń aýqymy keńeıip jatyr. Bul – jaǵymdy, oń úrdis. Qazaqstandy damytýǵa ózge etnostardyń qosyp jatqan úlesin memlekettik tilde nasıhattaý mańyzdy. Biz osy baǵytta jumys isteıtin aqparat quraldaryn barynsha qoldaýymyz kerek», dedi Memleket basshysy Qazaqstan halqy Assambleıasynyń HHHI sessııasynda.
Sondaı-aq Prezıdent assambelıanyń qoǵam damýyndaǵy oń úderisterdiń bastaýynda júrgenin atady.
«Assambleıa memleket pen azamattyq qoǵam arasynda tabysty seriktestik ornatýdyń jaqsy úrdisin qalyptastyrdy. Etnomádenı birlestikter osynyń aıqyn kórinisi», dedi Qasym-Jomart Toqaev.