Brazılııanyń Kashıas-dý-Sýl qalasynda jazǵy Sýrdalımpıa-danyń saltanatty ashylý rásimi ótti. Baıraqty básekede álemniń 100 elinen 3500-ge jýyq atletter sporttyń 21 túrinen baq synaıdy, dep habarlaıdy Egemen.kz.
Sýrdlımpıadaǵa Qazaqstan atynan 65 sportshy sporttyń toǵyz túrinen, atap aıtqanda, ústel tennısi, júzý, karate-do, taekvando, dzıýdo, jeńil atletıka, grek-rım, erkin kúres jáne badmentonnan el namysyn qorǵaıdy.
Saltanatty is-sharada elimizdiń kók baıraǵyn Samsýnda (Túrkııa) ótken XXIII jazǵy Sýrdlımpıadanyń chempıony, álem chempıonatynyń júldegeri, taekvondoshy Aıan Ábdirash alyp shyqty.
– Osyndaı iri halyqaralyq dodada elimniń baıraǵyn alyp shyǵý maǵan tapsyryldy. Bul men úshin úlken mártebe. Sýrdlımpıadaǵa tyńǵylyqty daıyndaldym. Bar kúsh-jigerimdi salyp ózime artylǵan úmitti aqtaımyn degen oıdamyn, – dedi A.Ábdirash.
Aıta ketetin jaıt, Samsýn qalasynda (Túrkııa) ótken XXIII jazǵy Sýrdlımpıadada qazaqstandyq sportshylar sporttyń segiz túrinen (erkin kúres, grek-rım, dzıýdo, taekvondo, karate, júzý, jeńil atletıka, ústel tennısi) óner kórsetken bolatyn. 1 altyn, 1 kúmis jáne 5 qola medaldi jeńip alǵan Qazaqstan ulttyq quramasy jalpykomandalyq esepte 25-orynǵa ıe boldy.
HHIV Sýrdlımpıadada otandastarymyzǵa mol úmit artatynyn aıtqan Qazaqstan Respýblıkasy Sport jáne dene shynyqtyrý isteri komıteti tóraǵasynyń orynbasary Bekbolat Baıjanov bul synda da sportshylarymyz laıyqty nátıjege jetedi degen oıda.
– Qazaqstan quramasy osymen altynshy márte jazǵy Sýrdlımpıadaǵa qatysyp otyr. Otandyq sportshylarymyz osyǵan deıingi jarystarda júldeli oryndardan kórinip júr. Bul synda da laıyqty nátıje qol jetkizedi degen oıdamyz. Barsha qazaqstandyqtardy ulttyq quramaǵa jankúıer bolýǵa shaqyramyz, – dedi Bekbolat Qustútinuly.
Aıta keteıik, estý qabileti tómen sportshylar arasyndaǵy Olımpıadada sport túrlerin qoldaý maqsatynda memleket tarapynan beriletin qarjylaı syıaqy mólsheri Olımpıada jáne Paralımpıadamen teńestirilgen bolatyn. Iаǵnı, atalmysh jarystan birinshi oryn alǵan sportshyǵa – 250 000, ekinshi oryn – 150 000, úshinshi oryn – 75 000, tórtinshi oryn – 30 000, besinshi oryn – 10 000 jáne altynshy oryn úshin 5 000 AQSh dollary beriledi.
Jazǵy sýrdlımpıada mamyr aıynyń 15-ne deıin jalǵasady.