Qaraǵandyda qyzdar arasynda shaıbaly hokkeıden U8-U13 respýblıkalyq týrnıriniń ekinshi týry ótti. Oǵan 6 komanda qatysty. Birinshi oryndy Nur-Sultan qalasynyń hokkeıshileri jeńip aldy, dep habarlaıdy Egemen.kz elorda ákimdiginiń resmı saıtyna silteme jasap.
8-13 jas aralyǵyndaǵy qyzdar arasynda shaıbaly hokkeıden týrnırge 6 komanda qatysty: «Bulbul», «Lázzat», «Almaty-1», «Almaty-2», «Torpedo» jáne «Iýnost-Grasııa». Jarys qorytyndysy boıynsha Nur-Sultan qalasynyń «Bulbul» komandasy úzdik atandy.
Aıta keteıik, áıelder hokkeıi akademııasy elorda ákimdiginiń qoldaýymen 2021 jyldyń shilde aıynda ashylǵan. Bul – áleýmettik joba. Munda 5-14 jastaǵy qyzdar qatysa alady, jattyǵý aptasyna 6 ret tegin ótedi.