Qazaqstan Premer-Mınıstri Álıhan Smaıylov О́zbekstan Úkimetiniń basshysy Abdýlla Arıpovpen telefon arqyly sóılesti, dep habarlaıdy Egemen.kz Úkimettiń baspasóz qyzmetine silteme jasap.
Áńgimelesý barysynda taraptar ekijaqty qarym-qatynasty tereńdetýdiń, onyń ishinde ózara saýda kólemin arttyrýdyń, ónerkásiptik kooperasııa men sý sharýashylyǵy salasyndaǵy yntymaqtastyqtyń ózekti máselelerin talqylady.
Álıhan Smaıylov osy jyldyń birinshi toqsanynyń qorytyndysy boıynsha eki el arasyndaǵy taýar aınalymy $1 mlrd asqanyn, bul ótken jyldyń sáıkes kezeńindegi kórsetkishten 27%-ǵa joǵary ekenin atap ótti.
Sondaı-aq taraptar «Ortalyq Azııa» halyqaralyq ónerkásiptik kooperasııa ortalyǵyn iske qosý sekildi buǵan deıin qol jetkizilgen ýaǵdalastyqtardy júzege asyrý máselelerin qarady.