Tótenshe jaǵdaılardyń aldyn alý men zardaptaryn joıý kezinde Qazaqstan men Reseıdiń shuǵyl qyzmetteri memlekettik shekarany ońaılatylǵan tártippen kesip ótetin bolady. QR Prezıdenti Nursultan Nazarbaev tıisti zańǵa qol qoıdy. Bul týraly Aqordanyń baspasóz qyzmeti habarlady.
«Memleket basshysy Qazaqstan Respýblıkasynyń «1994 jylǵy 28 naýryzdaǵy Qazaqstan Respýblıkasy Úkimeti men Reseı Federasııasy Úkimeti arasyndaǵy ónerkásiptik avarııalardyń, apattardyń, dúleı zilzalalardyń aldyn alý jáne olardyń zardaptaryn joıý salasyndaǵy yntymaqtastyq týraly kelisimge avarııalyq-qutqarý qyzmetteri men quralymdarynyń memlekettik shekarany kesip ótýiniń ońaılatylǵan tártibi týraly hattamany ratıfıkasııalaý týraly» zańyna qol qoıdy», - delingen habarlamada.
Eske sala keteıik, buǵan deıin Memleket basshysynyń azamattyq qorǵanys, óndiristik jáne órt qaýipsizdigi, memlekettik materıaldyq rezervti jasaqtaý, tótenshe jaǵdaılardy eskertý jáne onyń saldaryn joıýǵa arnalǵan zań jobalaryn jetildirýge baǵyttalǵan «Azamattyq qorǵanys týraly» zańǵa qol qoıǵany habarlanǵan edi.
Sáken Maılybaı.
Derekkóz: Aqorda saıty.