Búgin, 14 sáýir kúni Bolgarııanyń astanasy Sofııa qalasynda bokstan jigitter men qyzdardyń jastar arasyndaǵy álem chempıonaty bastaldy. Bul týraly VKontakte áleýmettik jelisine silteme jasaǵan egemen.kz tilshisi habarlady.
Chempıonatqa álemniń 90 elinen 522 boksshy qatysqaly otyr. Olardyń arasynda Qazaqstannyń komandasy da bar. Munda bizdiń elimizdiń namysyn 10 jigit, 3 qyz qorǵamaqshy. Bul eki komandanyń da saıysqa tolyq qurammen qatysatynyn kórsetedi. Birinshilikte sondaı-aq Ázerbaıjan, Ulybrıtanııa, Vengrııa, Belarýs, Qyrǵyzstan, Reseı, Túrkııa, Ýkraına, AQSh jáne О́zbekstan quramalary tolyq quramdarynda óner kórsetedi. Al qyzdar arasyndaǵy básekede birden 20 eldiń komandasy barlyq úsh salmaq boıynsha óner kórsetedi. Munyń ózi de rekord bolyp tabylady. Buǵan osy chempıonattyń bir jaǵy lısenzııalyq bolǵaly turǵany da oń áser etken sııaqty. Ol bıylǵy jylǵy tamyz aıynda Qytaıdyń Nankın qalasynda ótetin Ekinshi Jastar Olımpııalyq oıyndaryna joldama da alyp beredi.
О́tken jylǵy jastar chempıonatynda Qazaqstan quramasy jalǵyz qola medaldy qanaǵat tutýǵa májbúr bolyp edi. Ony 75 kıloǵa deıingi salmaqtaǵy Dáýlet Baıǵabatov jeńip aldy. Al bıylǵy jyly Ǵalymbek Kenjebaev jetekshilik etetin jastar quramasy kórsetkishti jaqsartýdy josparlap otyr. Komanda quramynda Azııanyń jasóspirimder arasyndaǵy eki, jastar arasyndaǵy qazirgi bes chempıony bar.
Chempıonat qazir bastalyp ta ketti. Onyń kúndzgi sessııasy Astana ýaqytymen 18:00-de, keshki sessııasy 22:30-da júredi.
Osy kezge deıin qazaqstandyqtar sapynan 52 kıloǵa deıingi Orazhan Ergesh shyǵyp, ıtalıan Vınchenso Kolellany 3:0 etip utty. Búgin bizden sharshy alańǵa eshkim shyqpaıdy. Al erteń 56 kılodaǵy Sultan Záýirbek býtandyq Tsherıng Samdrýppen, 60 kılodaǵy Abylaıhan Júsipov AQSh ókili Ochoas Isıdromen qolǵap túıistiredi.
Damır Qojamqul.
Derekkóz: egemen.kz.
Foto: egemen.kz.