Byltyrdan bastap qazaqstandyqtar úshin qujatty jetkizý qyzmeti qoljetimdi edi, endi onyń aıasy keńeıe túspek. Bul týraly «Azamattarǵa arnalǵan úkimet» memlekettik korporasııasynyń basqarma tóraǵasy Súıenish Ábdildın aıtyp berdi, dep habarlaıdy Egemen.kz.
«Biz «SON» atty mobıldi qosymsha ázirledik. Qosymshany AppStore jáne PlayMarket platformalarynan júkteýge bolady. Ol jerde azamattarǵa 13 memlekettik qyzmet túri qoljetimdi. Ol úshin HQO operatorymen beınebaılanys ornatsa bolǵany. Jıi qoldanatyn qyzmetterdiń qatarynda qaıta kýálik berý, turǵylyqty mekenjaı boıynsha tirkeý jáne tehnıkalyq tólqujattyń kóshirmesin jasatý bar. Sol sııaqty atalǵan mobıldi qosymshanyń kómegimen jaqyn mańdaǵy HQO-ny taýyp, aldyn ala kezekke turýǵa bolady», dedi Súıenish Ábdildın OKQ-te ótken brıfıngte.
Onyń aıtýynsha, búginde «SON» atty mobıldi qosymshany 32 myńnan astam qazaqstandyq qoldanyp jatyr. Sondaı-aq, spıker brıfıng barysynda daıyn qujattardy jetkizý qyzmeti týraly aıtyp berdi.
«О́tken jyldan bastap biz daıyn qujattardy jetkizý qyzmetin iske qostyq. Búginde atalǵan qyzmet elimizdiń 16 qalasynda qoljetimdi. 2021 jyldyń 1 sáýirinen bastap osy kúnge deıin 6 myńnan astam qujat klıentterdiń úıine jetkizildi. Ony qoldaný ádisi ońaı. Qujat daıyn bolǵanda klıenttiń telefon nómirine SMS habarlama keledi. Habarlamadaǵy silteme arqyly ótip, 970 teńge tóleýińiz kerek. Tólem qabyldanǵan soń qujat sol kúni sizge jetkiziledi. Qazirgi ýaqytta bul qyzmet túrin jetildirý jaǵyn qarastyryp jatyrmyz. Iаǵnı qujatty basqa da platformalar arqyly jetkizý. Mysaly, Yandex arqyly jetkizý múmkindigi», deıdi ol.