Áskerı kafedradaǵy saltanatty jıyn

Ýnıversıtet rektory Erlan Sydyqov jastarǵa arnaǵan sózinde kafedranyń qazirgi stýdentteri Otan­ǵa adal qyzmet etip, osy salada belgili bir bıikterge jetetinine senim bildirdi.

«Joldaýda Memleket basshysy Qarýly Kúshterdi qoldaýǵa erekshe nazar aýdardy. Sizder tutas strategııalyq salanyń damýyna óz úles­terińizdi qosatyndaryńyzǵa se­nemin», dep atap ótti Erlan Battashuly.

Áskerı kafedra meńgerýshisi, general-maıor Edil Orazov qa­tysý­shylardy kele jatqan me­reke­lermen quttyqtap, Ekinshi dú­nıe­júzilik soǵystaǵy maıdanger ata-apalarymyzdyń erligi umyt qalmaıtynyn atap ótti. «Olardyń soǵys kezinde jasaǵan erlikteri, jas urpaqqa máńgilik estelik jáne úlgi», dedi general-maıor.

Sondaı-aq kafedra meńgerýshisi Eýrazııa ulttyq ýnıversıteti áske­rı kafedrasynyń damýy týraly aıtyp berdi. «Bizdiń kafed­rada el aldyndaǵy boryshyn aby­­roı­men atqaryp kele jatqan jáne al­dyńǵy urpaqtyń isin jal­ǵas­tyryp jatqan urpaq az emes. Kafedra qyzmetkerleri stýdent­terge joǵary ıntellektýaldyq jáne kásibı deńgeıde dáris oqıdy. Baı kásibı tájirıbesiniń arqasynda olar bilim alýshylarǵa áskerı-pat­rıottyq tárbıe berýde», dep atap ótti ol.

Buryn Eýrazııa ulttyq ýnıver­sı­tetiniń áskerı kafedra­syn bas­qar­ǵan general-maıor Ýálı Ela­manov ta saltanatty is-shara­ǵa qatysýshylarǵa óz tilegin arna­dy. «Men Eýrazııa ulttyq ýnıver­sı­tetiniń áskerı kafedrasy stýdent­ter­di joǵary sapaly daıarlaıty­nyn bilemin. Olardyń ishki rýhy, daıyn­dyq­tary áskerı isterge qatysty áskerı mektepterdiń kýrsanttarynan esh kem túspeıtinin aıta ketý kerek», dedi ol.

Sahna tórinen áskerı kafedra tárbıelenýshilerine L.N.Gýmılev atyn­daǵy EUÝ Ardagerler keńesi­niń tóraǵasy Kúlzıra Ysqaqova, Nur-Sultan qalasynyń «Jas sarbaz» qozǵalysynyń ókili Ádilhan Mahan­bet jáne basqalar sóz sóı­ledi.

Saltanatty jıyn aıasynda kafedra qyzmetkerleri men stý­dent­terdi Qorǵanys mınıstri men L.N.Gýmılev atyndaǵy EUÝ rekto­ry­nyń gramotalarymen marapattaý rásimi ótip, is-shara me­rekelik konsertpen aıaqtaldy.

Aıta ketý kerek, jıyrma jyl ishinde áskerı kafedra bes myńnan astam maman daıarlasa, olardyń 400-i Qarýly Kúshter qataryna shaqyrylǵan. Búgingi tańda 45 adam­nan turatyn kafedranyń professorlyq-oqytýshylyq qu­ra­my myńǵa jýyq stýdentti oqytady.