Mádenıet jáne sport mınıstrligi Qazaqstan Ulttyq quramasynyń Sýrdlımpıadadaǵy oıynyna qatysty pikir bildirdi, dep habarlaıdy Egemen.kz.
Brazılııada ótip jatqan jazǵy Sýrdlımpıadaǵa Ulttyq qurama komandasynan sýrdlımpıadalyq sport túrleri boıynsha 59 sportshy qatysyp jatqany belgili.
Mınıstrliktiń málimetinshe, Ulttyq Sýrdlımpıada komıteti QR Zańnamasyna qaramastan, óz taraptarynan jarııalap birqatar sportshyny, onyń ishinde Qanafın Erkebulandy jarysqa aparǵan.
«Qanafın Erkebulan buryn - sońdy estý qabileti buzylǵan sportshylar arasyndaǵy resmı jarystarǵa qatyspaǵan. Qazaqstan Respýblıkasy Ulttyq qurama komandasynyń múshesi emes jáne dene múmkindikteri shekteýli jandarǵa arnalǵan sport uıymdarynda tirkelmegen. Mádenıet jáne sport mınıstrliginde aýdıogramma nátıjeleri jáne jalpy sportshynyń densaýlyq jaǵdaıy týraly aqparat joq.
Buǵan qaramastan Ulttyq Sýrdlımpıadalyq komıtet E.Kanafındi óz esebinen jarysqa jiberip, Qazaqstannyń bedeline álemdik sport qoǵamdastyǵynyń aldynda nuqsan keltirdi jáne sporttyq etıkalyq qaǵıdalardy buzdy», delingen habarlamada.
Mádenıet jáne sport mınıstrligi Ulttyq qurama komandanyń tizimin qalyptastyrý kezinde 81 kelige deıingi salmaq dárejesinde sýrdo dzıýdodan Qazaqstan Respýblıkasy Chempıonatynyń qorytyndysy boıynsha el chempıony Aıdos Túgelbaevty engizgenin aıtty.
Mınıstrlik Ulttyq Sýrdlımpıada komıtetiniń ústinen arnaıy sot organdaryna shaǵym túsiretinin resmı túrde málimdedi.