Bıylǵy jyldyń 10-25 qyrkúıegi aralyǵynda Hanchjoý qalasynda (Qytaı) ótýi tıis 2022 jylǵy Jazǵy Azııa oıyndary belgisiz merzimge shegerildi, dep habarlaıdy Egemen.kz Azııa Olımpıadalyq keńesiniń (OCA) saıtyna silteme jasap.
«Qytaıdyń Olımpıada komıtetimen Hanchjoýdaǵy Azııa oıyndaryn uıymdastyrý komıtetimen OCA Atqarýshy keńesi búgin Qytaıdyń Hanchjoý qalasynda ótetin 12022 jylǵy 10-25 qyrkúıek aralyǵyna josparlanǵan XIX Azııa oıyndary keıinge shegerildi. Oıyndy ótkizýdiń jańa kúni taıaý ýaqytta jarııalanady.
Hanchjoýdaǵy Azııa oıyndarynyń Uıymdastyrý komıteti jahandyq problemalarǵa qaramastan oıyndardy ótkizýge jaqsy daıyndaldy. Alaıda, joǵaryda atalǵan sheshimdi barlyq múddeli taraptar pandemııa jaǵdaıy men oıyn aýqymyn muqııat qarastyrǵannan keıin qabyldady.
19-shy Azııa oıyndarynyń ataýy men emblemasy ózgerissiz qalady jáne AOK birlesken kúsh jigerdiń arqasynda Oıyndar sátti ótedi dep sanaıdy», delingen Azııa Olımpıadalyq Keńesiniń habarlamasynda.
QR Ulttyq Olımpıada komıtetiniń málimetinshe, Hanchjoýda ótetin XIX Azııa oıyndarynda 61 dıssıplınadan turatyn 40 sport túri usynylady. Oıyndarda 482 altyn medal sarapqa salynady.