Reseıdegi Abakan qalasy mańyndaǵy Samohval taýyndaǵy órttiń aýdany 10 myń sharshy shaqyrymǵa jetti. Saldarynan 30-ǵa jýyq ǵımarat otqa oranyp, bir áıel zardap shekti, dep habarlaıdy Egemen.kz TASS agenttigine silteme jasap.
Reseı Tótenshe jaǵdaılar mınıstrligi Hakasııa Respýblıkasy boıynsha bas basqarmasynyń baspasóz qyzmetiniń jetekshisi Ekaterına Iýrovanyń aıtýynsha, órt «Iýjnoe» saıajaı qoǵamdastyǵynda bastalǵan. Saıajaı aýmaǵynan 12 adam evakýasııalandy.
Buǵan deıin Hakasııanyń Saıanogorsk qalasynda aýqymdy órtke baılanysty tótenshe jaǵdaı rejımi engizilgen bolatyn.
Sondaı-aq Reseı Federasııasy Prezıdentiniń Sibir federaldyq okrýgindegi ókiletti ókili Anatolıı Seryshevtiń baspasóz qyzmetiniń habarlaýynsha, Hakasııa bıylǵy jyly Sibirde eń kóp tabıǵı órtter tirkelgen alǵashqy tórt aımaqtyń qataryna endi. Bul tizimge Krasnoıar ólkesi, Omby jáne Novosibir oblystary da kiredi.