«Abaılańyz – Balalar!» Respýblıkalyq aksııasy sheńberinde «Astana jastary» JRO qalalyq jastar saıasaty basqarmasymen birlesip Nur-Sultan qalasy polısııa departamentiniń qoldaýymen elordalyq mektepterdiń 4-8 synyp oqýshylaryna «Ashyq Jol» kvestin ótkizdi, dep habarlaıdy Egemen.kz qala ákimdiginiń resmı saıtyna silteme jasap.
Kvest kezinde qatysýshylarǵa joldy kesip ótý kezinde qaýipsizdik erejelerin saqtaý týraly aıtyldy, sondaı-aq PD qyzmetkerleri profılaktıkalyq áńgimeler ótkizdi.
«Biz, «Astana jastary» JRO eriktileri 4-8 synyp oqýshylary arasynda jol qozǵalysy erejeleri boıynsha kvest ótkizdik. Kvest kezinde orta mektep oqýshylary jol qozǵalysy erejelerin oqydy. Olarmen polısııa qyzmetkerleri de áńgime júrgizdi. Barlyq qatysýshylar sertıfıkattar men yntalandyrý syılyqtaryna ıe boldy», dedi «Astana jastary» JRO eriktisi Sherhanalı Aıtjanov.