Qyzylordada úsh adamdy óltirdi degen kúdiktiler ustaldy, dep habarlaıdy Egemen.kz Polisia.kz saıtyna silteme jasap.
7 mamyrda Qyzylorda qalasynda atys boldy. Osy derekke baılanysty júrgizilgen jedel-izdestirý is-sharalary nátıjesinde, alty kúdikti ustalyp, qamaýǵa alyndy. Tórt kúdiktige qatysty izdeý jarııalanǵan.
«Oqıǵa bolǵan jerdi jáne kúdiktilerdiń turǵylyqty mekenjaıyn tekserý barysynda bes qarý-jaraq, birneshe oq-dári, esirtki jáne jeti avtokólik aıǵaq retinde alynyp, tıisti saraptamalar taǵaıyndaldy. Barlyq qatysýshynyń jeke basy anyqtalyp, jábirlenýshi taraptyń qaýipsizdigi qamtamasyz etildi. Joǵaryda kórsetilgen qylmystyq quqyq buzýshylyqtar negizinde segiz qylmystyq is, ıaǵnı adam óltirý boıynsha - 2, buzaqylyq boıynsha - 2, qarýdyń zańsyz aınalymy boıynsha 3 is jáne esirtkiniń zańsyz aınalymy boıynsha bir is tirkeldi», dedi Qyzylorda oblysynyń Polısııa departamenti bastyǵynyń orynbasary Baıjan Baıgeldi.
Qazirgi ýaqytta qylmystyq istiń mán-jaıyn jan-jaqty, tolyq jáne obektıv túrde tergep-tekserý jumystary júrgizilip jatyr.
Eske sala keteıik, buǵan deıin Qyzylordada atystan úsh adam qaza taýyp, taǵy ekeýi aýrýhanaǵa jetkizilgeni habarlanǵan bolatyn. Qaıǵyly oqıǵa 7 mamyr kúni keshke bolǵan.