«Qazgıdromet» sınoptıkteri 14-16 mamyrǵa arnalǵan aýa raıy boljamyn usyndy, dep habarlaıdy Egemen.kz.
«Aldaǵy demalys kúnderi Qazaqstannyń sınoptıkalyq jaǵdaıy Soltústik Atlantıkalyq sıklonnyń jyly sektorymen jáne onymen baılanysty atmosferalyq fronttardyń ótýimen sharttalady. Solaısha shyǵysta, batysta jáne taýly, taý bókterindegi aýdandarda qatty jańbyr jaýyp, jel kúsheıedi. Biraq, buǵan qaramastan, temperatýra baǵamynda aıtarlyqtaı aýytqý kútilmeıdi. Elimizdiń batysynda, soltústiginde, shyǵysynda jáne ortalyǵynda kúndiz termometr 17-25 gradýsqa deıin, al eldiń ońtústiginde 18-28-den 23-35 gradýsqa deıin kóteriledi», delingen habarlamada.