Darııanyń eki betindegi eldi mekenderdi jalǵaıtyn qalqyma kópirler bar. Qys mezgilinde budan keler qaýip joq. Al kóktem shyǵa, darııanyń arnasy tolǵan kezde qalqyma kópir arqyly ótý qıyndaı túsedi. Sondyqtan Syrdarııadaǵy nópir sý azaıǵansha mundaı ótkelderden kólikterdiń ótýi sıreıdi. Bıylǵy tasqyn kezeńi Qyzylordada yń-shyńsyz ótti. Búginde ózenniń qos qaptalyn baılanystyryp turǵan qalqyma kópirler de qalypty jumys istep turǵan. Degenmen, Shıeli aýdanynyń Qarǵaly eldi mekeniniń tusynda oqys oqıǵa oryn aldy.
Burnaǵy kúni tús áletinde «KazStepStroıMontaj» seriktestigine qarasty «Howo» júk kóligi qalqyma kópirge keledi. Kópirden óte bergende Haıdarbek Saıtov tizgindep otyrǵan júk kóligi kópirmen qosa sýǵa batyp ketedi. Qýanyshtysy, oqıǵa kezinde zardap shekken nemese qaıtys bolǵan eshkim joq.
Oqıǵa bolǵan jerge Shıeli aýdandyq tótenshe jaǵdaılar bóliminiń jedel toby jetken. Sondaı-aq, aýdandyq ishki ister bóliminiń qyzmetkerleri de sol aradan tabylǵan. Osylaısha, 2 tehnıka men 6 adam jumyldyrylyp, qutqarý jumystaryn júrgizgen.
Erjan BAITILES,
«Egemen Qazaqstan».
Qyzylorda oblysy.