QR Parlamenti Senatynyń depýtaty Andreı Lýkın Nur-Sultan qalasy ákimdiginiń «iKOMEK109» qalalyq monıtorıng jáne jedel áreket etý ortalyǵynda boldy, dep habarlaıdy Egemen.kz.
Depýtat kezdesý barysynda ortalyqtyń qyzmetimen jáne materıaldyq jabdyqtalýymen, sondaı-aq qala qaýipsizdigi, qoǵamdyq oryndardy kútip-ustaýdy baqylaý, quqyq buzýshylyqtardy anyqtaý jáne qylmystyń aldyn alý boıynsha ishki ister organdarymen ózara is-qımyl máselelerin iske asyrý prosesimen tanysty.
Senator sonymen qatar jumyspen qamtý jáne áleýmettik qorǵaý basqarmasynyń basshylyǵymen jáne qyzmetkerlerimen kezdesip, elorda halqyn áleýmettik qorǵaý máselelerin talqylady. Basqarma basshylyǵy depýtatty mekemeniń jumysymen tanystyrdy, sondaı-aq Qazaqstan zańnamasynda kózdelgen arnaıy qyzmetter kórsetý, járdemaqylardy taǵaıyndaý jáne tóleý jónindegi áleýmettik baǵdarlamalardyń iske asyrý barysy týraly habarlady.
Depýtat A.Lýkın óz kezeginde aldaǵy referendým boıynsha júrgizilip jatqan jumystar týraly aıtyp berdi. Atap aıtqanda, talqylaýdyń negizgi taqyryby – konstıtýsııalyq reformalar boldy.
«Bıylǵy 29 sáýirde Qazaqstan halqy Assambleıasynyń sessııasy barysynda Memleket basshysy Konstıtýsııaǵa ózgerister jobasyn búkilhalyqtyq referendýmǵa shyǵarýdy usyndy. Onda elimizdiń árbir azamaty jańa Qazaqstandy qurýdaǵy memlekettik sheshimderge yqpal ete alatyn bolady. Sondyqtan elordanyń árbir turǵynynyń aldaǵy referendýmǵa qatysýy asa mańyzdy», dedi senator Andreı Lýkın.