Almatyda barlyǵy 128 sýburqaq bar. Onyń 63-i qala menshiginde, al 65-i jekenmenshikte. Sýburqaqtar saǵat 09:00-den 23:00-ge deıin jumys isteıdi. Keıingi bes jylda 13 jańa sýburqaq salyndy. Alaıda qaladaǵy sýburqaqtardyń basym bóligi – 60-80-jyldary salynǵan. Olardy jóndeý, qalpyna keltirý tehnıkalyq jaǵynan durys jumys isteýine kómektesedi.
Qazirgi QR Ortalyq memlekettik murajaıy janyndaǵy jáne QBTÝ ǵımaratynyń artynda ornalasqan «Severnyı» saıabaǵyndaǵy sýburqaq jóndelip jatyr. Áýezov atyndaǵy Qazaq ulttyq akademııalyq drama teatry aldyndaǵy fontannyń ortalyq tostaǵandaryn aýystyryp, kúrdeli jóndeý júrgizý qajet.
Ár sýburqaqta qaýipsizdikti saqtaý maqsatynda shomylýǵa bolmaıtyny týraly taqtaıshalar ornatylǵan. О́ıtkeni olardyń konstrýksııalarynyń ishinde elektr, sýasty jaryqtandyrý qurylǵylary, sýasty sorǵylar men taǵy basqa da jabdyqtar bar.
Aıana Toǵanbek