Jastardyń árbir usynysy eskeriledi

Kezdesýge Servıs jáne týrızm, Tehnologııalyq kolledj, Kólik jáne kommýnıkasııa jáne Astana Polytechnic joǵa­ry kolledjderiniń, sondaı-aq «As­tana-Profı» qalalyq sharýa­shylyq kolledjiniń stýdent­terimen qatar mektep muǵalimderi qatysty. Kezdesý bary­synda depýtattar Konstı­týsııaǵa usynylyp otyrǵan tolyq­ty­rý­lardy talqylap, olardy respýb­lıkalyq referendým arqyly en­gizýdiń mańyzdylyǵyn atap ótti.

«Eldegi saıası mańyzy bar kezeńge, ıaǵnı referendýmnyń ótýine az ýaqyt qaldy. Degenmen qazir halyqtyń, árbir daýys berýshi azamattyń bul oqıǵanyń negizgi mánin tereń túsinýi mańyzdy bolyp otyr. Osy maqsatta biz birneshe kezdesý ótkizip, halyqpen, ózderińdeı jastarmen pikir alysyp otyrmyz. Baıqaǵanymyz, halyq Prezıdent Qasym-Jomart Toqaevtyń Ekinshi Respýblıka qurý jónindegi maqsatyn, búkil halyqtyń memleketti basqarýǵa tikeleı qatysýy úshin naqty tetikterge qadam jasap jatqanyn túsinip, oń pikir bildirýde. Sondyqtan ózim referendýmnyń bizdiń halyqtan qoldaý tabatynyna senimdimin. Jastardyń aıtqan árbir pikiri men usynysy eskeriledi», dedi Qazaqstan halqy Assambleıasynyń atynan saılanǵan Parlament Máji­lisiniń depýtaty Saýytbek Abdrah­manov.

Al depýtat Iýrıı Lı: «Negizgi Zańymyz – Konstıtýsııaǵa usynylǵan túzetýler saıası júıede óte mańyzdy ózgeristerdi, qoǵamdyq-saıası saladaǵy naqty kúresti kúsheıtýdi kózdeıdi. Osy turǵydan alǵanda, eldiń árbir azamaty 5 maýsymda ótetin referendýmda óz pikirin bildirýge quqyly. Bul kezeń azamattardyń qoǵamdyq-saıası ortada óz oıyn jetkizip, bolashaǵyna maqsat-mindetter qoıa alatyn, olardy iske asyra alatyn, sondaı-aq qoǵamdyq-saıası salada mańyzdy tulǵa bola alatyn sát. Sondyqtan biz jastarymyzdyń osyndaı bastamalarǵa belsene aralasyp, ózderin tanytqanyn qalaımyz», dedi.

Kezdesýde kolledj jas­tary ózderin qyzyqtyrǵan suraq­taryn qoıdy. Jastardyń saýal­daryna jaýap bergen depýtat­tar óskeleń urpaqpen ótken kez­desýdiń kóńilderinen shyqqanyn jetkizdi.