Referendým ótkizýge daıyndyq talqylandy

«Búgin qalalyq Jastar isi jónin­degi keńestiń keńeıtilgen otyrysy ótti. Kezdesý baǵdarlamasynda jańa Qazaq­standy qurýdaǵy respýblıkalyq referen­dýmnyń tártibi men mindetteri boldy. Bizdiń maqsatymyz – jastarǵa aldaǵy referendýmnyń mańyzy týraly aqparat jetkizý», dedi Jastar saıasaty máseleleri basqarmasynyń basshysy Qaırat Qambarov.

Kezdesý aıasynda jalpy respýblıkalyq referendým ótkizýdiń tártibi men mindetteri, konstıtýsııalyq reformanyń baǵyttary, jańa Qazaqstandy qurýdaǵy referendýmnyń mańyzy, elordada memlekettik jastar saıasaty salasynda atqarylǵan jumystar, elordalyq jastardy jumyspen qamtý máseleleri týraly mańyzdy taqyryptar qaraldy.

«Bizde aldaǵy referendým boıynsha túsindirý kezdesýi ótti. Saılaýshylardyń jáne daýys beretin adamdardyń negizgi aýdıtorııasy jastar bolǵandyqtan, oǵan erekshe nazar aýdaramyz. О́zim jastar ókili retinde osy referendýmnyń mańyzdylyǵyn túsinemin. Onyń ústine jańa Qazaqstanda osynyń bárin iske asyratyn jastar qajet. Sol sııaqty ashyq talqylaý, pikirtalas ótti. О́zim jastarǵa jaqsy aqparat bere aldym dep úmittenemin. Bizdiń jastar belsendi qatysady dep oılaımyn, óıtkeni olar qazirdiń ózinde saıası pisip jetildi. Sondyqtan referendým kezinde belsendilik kórsetedi dep úmittenemin», dep atap ótti Qazaqstan team respýblıkalyq jastar birlestiginiń jetekshisi Oljas Súleımenov.

Jarty aıdan soń jalpyhalyqtyq res­pýblıkalyq referendým ótetini bel­gili. Salmaǵy aýyr saıası naýqanǵa el tur­ǵyndarynyń túgeldeı qatysýy mańyzdy. Sebebi árbir azamattyń daýysy memleket­tiń keleshegine tikeleı áser etetini anyq. Qazir­gi tańda respýblıkanyń túkpir-túkpi­rin­de túsindirý jumystary júıeli túr­de júrgizilýde. Azamattardy aqparattan­dyrý olardy referendým týraly jan-jaq­ty málimetpen qamtamasyz etý jalǵasyp jatyr. Eldiń erteńine beıjaı qaramaı­tyn janashyr jandar jalpyhalyq­tyq referendýmǵa qatysyp, óz daýysyn berip, jańa Qazaqstannyń qurylýyna úlesin qosary sózsiz.