Indýstrııa jáne ınfraqurylymdyq damý mınıstri Qaıyrbek О́skenbaev jeńildetilgen avtonesıe baǵdarlamasyn júzege asyrý boıynsha qosymsha tapsyrma berdi. Bul týraly Indýstrııa jáne ınfraqurylymdyq damý mınıstrliginiń baspasóz hatshysy Janjigit Omarhan habarlady, dep jazady Egemen.kz.
«Dostar, ózderińizge málim, qazirgi tańda jeńildetilgen avtonesıe baǵdarlamasy qoǵamda qyzý talqylanyp jatyr. Qalyptasqan ahýal jaıly Indýstrııa jáne ınfraqurylymdyq damý mınıstrliginiń basshylyǵy habardar. Týyndaǵan máselege jan-jaqty saraptama jasalyp otyr. Mınıstr Qaıyrbek О́skenbaev jaýapty tulǵalar men mekemelerge atalǵan jaǵdaıǵa baılanysty túsinikteme berýdi jáne qabyldanǵan sharalar men sheshimderdi jarııalaýdy tapsyrdy», dedi Janjigit Omarhan.
Sondaı-aq QR IIDM óz tarapynan baǵdarlamanyń erejesi men onyń iske asýy týraly qajetti bazalyq málimetti daıarlaǵanyn atap ótti. Baǵdarlamany odan ári júzege asyrý quqyǵy «О́nerkásipti damytý qory» men avtokólik óndirýshiler, rıteıler men ekinshi deńgeıli bankterge berilgen.
Atalǵan uıymdar bekitilgen baǵdarlamanyń erejesine sáıkes jumys isteıdi.