Bul kúnderi Fransııanyń Normandııa qalasynda 2004-2006 jyldary týǵan oqýshylar arasyndaǵy Gımnazıada jarysy ótip jatyr. Bul básekede qazaqstandyq taekvondo sheberleri 3 altyn jáne 2 qola medal jeńip aldy.
Uldar arasynda 48 kıloda synǵa túsken Akramat Dolgıev qarsylas shaq keltirmeı, top jarsa, qyzdar arasynda 49 kılodaǵy Rıta Bakısheva men 55 kılodaǵy Azıza Qaradjanova altynnan alqa taqty. Aıta keterligi, bul synǵa Qaradjanova ulttyq quramanyń bas bapkeri Batyrbek Esdáýletovtiń qaramaǵynda daıyndaldy. Al 44 kıloda Nargız Meırambek pen 73 kılodaǵy Bekarys Bekenov oqýshylar synynda qola júldege qol jetkizdi. Osylaısha, ulttyq quramamyz jalpykomandalyq esepte bes júldemen kósh bastady.
Aıta keteıik, bıylǵy Gımnazıadaǵa álemniń 64 elinen 3600 sportshy qatysyp jatyr. Olar sporttyń 17 túrinen jáne paralımpıadalyq úsh synnan júldege talasady. Qazaqstan oqýshylar arasyndaǵy sport alamanyna birinshi ret qatysyp jatyr. Elimizden Fransııaǵa 17 sport túrinen 234 oqýshy attanǵan. Jarys 22 mamyrda aıaqtalady.