Eýrazııalyq ekonomıkalyq komıssııa keńesi Eýrazııalyq ekonomıkalyq odaqtyń erkin saýda týraly kelisim jasasqan elderinen ákelinetin taýarlardyń shyǵarylýyn qujattamalyq rastaý rásimin jeńildetedi, dep habarlaıdy Egemen.kz.
Komıssııanyń baspasóz qyzmeti málim etkendeı, EEK Keńesi kúntizbelik jyl ishinde EAEO elderiniń aýmaǵynda satylǵan temeki ónimderiniń quramy jáne odan bólinetin zattar týraly eseptiń úlgisin bekitti.
Sondaı-aq EEK Keńesi medısınalyq buıymdardyń qaýipsizdigin, sapasy men tıimdiligin tirkeý jáne saraptaý qaǵıdalaryna ózgerister engizdi, EAEO farmakologııalyq qadaǵalaýdyń jańa redaksııasyn bekitip, dóńgelekti kólik quraldarynyń qaýipsizdigi týraly tehreglamentke túzetý engizý týraly sheshim qabyldap, deklarasııa berilgenge deıingi taýarlar sanattarynyń tizbesin keńeıtti.
Bul sheshim juma kúni Máskeýdegi komıssııanyń shtab-páterinde ótken EEK Keńesiniń kezekti otyrysy barysynda qabyldandy. Kelesi kezdesý 10 maýsymda Nur-Sultan qalasynda ótedi.