Jambyl oblysynda órt bolǵan úıden zorlyq-zombylyqtyń belgileri bar áıeldiń máıiti tabyldy, dep habarlaıdy Egemen.kz.
2022 jylǵy 18 mamyrda saǵat 23:28-de 102 pýltine belgisiz er adamnyń úıge kirip, pyshaqpen qorqytqany týraly habarlama túsken.
Atalǵan mekenjaıǵa kelgen polıseıler úıdiń ishinde órt bastalǵanyn baıqap, oqıǵa ornyna dereý órt sóndirýshilerdi shaqyrǵan.
«Jatyn bólmede zorlyq-zombylyqtyń belgileri bar 57 jastaǵy áıeldiń máıiti tabyldy. Atalǵan derek boıynsha Qylmystyq kodekstiń 99-baby 1-bóligimen sotqa deıingi tergeý amaldary júrgizilýde», delingen polısııa departamentiniń habarlamasynda.
Jedel-izdestirý is-sharalarynyń nátıjesinde polısııa qyzmetkerleri osy qylmysty jasady degen kúdikpen 32 jastaǵy Taraz qalasynyń turǵynyn anyqtap, ustady.
Barlyq qajetti saraptamalar taǵaıyndaldy. Oqıǵanyń mán-jaıy anyqtalýda.
Aıana Toǵanbek