Qaraǵandy oblysynń Shahtınsk, Temirtaý jáne Abaı aýdanynda brýsellez dertin juqtyrýdyń 5 jaǵdaıy anyqtalǵan. Bul týraly óńirdiń sanıtarlyq epıdemıologııalyq baqylaý departamenti málim etti, dep habarlaıdy Egemen.kz.
Brýsellezdi juqtyrý jaǵdaılarynyń 66,6%-ynda tamaqqa qaınatylmaǵan sút jáne sút ónimderin paıdalaný sebep bolǵan.
Sondaı-aq dertke shaldyqqandardyń basym bóligi sol sút ónimderin jeke tulǵalardan satyp alǵanyn aıtady.
Al qalǵan 33,3% jaǵdaıda tórt túlikti asyraý kezinde sanıtarııalyq-gıgıenalyq normalardy buzý, janýarlardy ýaqtyly zerthanalyq tekserýden ótkizbeýinen brýsellez juqtyrǵan.
Brýsellezdiń úı oshaqtarynan alynǵan synamalarda ınfeksııa qozdyrǵyshtary 7,8%-ynda sút ónimderinen, 1,1%-ynda tezekten, 2,2%-ynda shópten, 1,1%-ynda júnnen anyqtalǵan.
Bul zertteý nátıjesi mıkrobtardyń qorshaǵan ortaǵa taraıtynyn kórsetedi. Ol óz kezeginde ınfeksııanyń taralý faktory bolýy múmkin.
«Bıyl Shet, Buqar jyraý, Abaı, Aqtoǵaı jáne Osakarov aýdandarynda adamdar úshin brýsellez qozdyrǵyshynyń negizgi kózderi sanalatyn iri qara jáne usaq mal arasynda osy derttiń 391 jańa epızootııalyq oshaǵy anyqtalǵan», dep málimdedi Qaraǵandy oblysynyń sanıtarlyq-epıdemıologııalyq departamenti.
Aıana Toǵanbek