Máskeýde ótken «Sýzdal-2014» anımasııalyq kınolar festıvalinde Qazaqstannan shyqqan mýltfılmderge jyly lebizder, maqtaýlar aıtyldy. Bul týraly «Ekspress K» habarlady.
«Elimizde óndirilgen anımasııalyq fılmderdi, ásirese, Reseı mýltıplıkatorlary joǵary baǵalady. Atalmysh jıynǵa qatysýshylar elimizdiń tarapynan usynylǵan «Baıqońyr», «Tımýr jáne aıdahar», «Kókserek», «Jibek joly» atty anımasııalyq fılmderdi qyzyǵa tamashalady», - delingen basylymda.
Qazaqstan anımasııalyq kınolar qaýymdastyǵynyń prezıdenti Ǵalı Myrzashev: «Bizdiń mýltfılmderimizdi kórgennen keıin reseılik áriptesim – Mıhaıl Týmel. Men sizderdiń eńbekterińizdi kórip otyryp keńestik anımasııalyq fılmderdi tamashalaǵandaı boldym degen pikirin bildirdi. Al bul bizdiń jumysymyzǵa berilgen úlken baǵa. О́ıtkeni, KSRO kezinde shyqqan mýltfılmder óte jaqsy bolatyn. Mıhaıl Týmeldiń pikirin «Ký-Kın-Dza-Dza» mýltfılminiń rejıssery, «Nıka» syılyǵynyń ıegeri, Tatıana Ilına da qostady», – dedi.
Ǵalı Myrzashevtyń aıtýynsha, festıvalǵa qatysýshylarǵa «Kókserektiń» túpnusqadan aýytqymaı berilgeni ári ushqyr qııaldyń sheberlikpen órilgeni unapty. Al «Tımýr jáne aıdahar» kartınasyndaǵy oınaqy ázil festıvalǵa jınalǵandardy kúlkige kómipti.
«Soıýzmýltfılm» jaıǵasqan jańa ǵımaratty kórip, tańqalyp qaıtqan Ǵalı Myrzashevtyń sózine súıene sóılesek, «Qazaqmýltfılmin» zaman talabyna saı jabdyqtaýdyń tetikteri qarastyrylyp jatyr eken.
Elimizde bir jylda barlyǵyn qosqanda 50-70 mınýtty quraıtyn anımasııalyq fılmder shyǵarylady. Mamannyń aıtýynsha, bul óte az. Qazaqstan Anımasııalyq kınolar qaýymdastyǵynyń prezıdenti otandyq mýltfılmderdi kórermenge teatrlar arqyly usynýdyń múmkindikteri joq ekenine de qynjylys bildirdi.
Qazir otandyq anımasııalyq fılmderdi «Balapan» telearnasy arqyly kórsetý baǵytynda jumystar atqarylýda. Sondaı-aq, Ǵalı Myrzashev depýtattarmen kezdesip, olardan «Qazaqmýltfılmge» zańdyq turǵyda qoldaý kórsetýlerin ótinbek.
Joldybaı Bazar.
Derekkóz: «Ekspres K».