Dúnıejúzilik densaýlyq saqtaý uıymynyń Reseıdegi ókili Melıta Výınovıch koronavırýs pandemııasy kezinde adamdardyń ómir súrý uzaqtyǵy eki jylǵa qysqarǵanyn málimdedi, dep habarlaıdy Egemen.kz.
«DDU ólim-jitimdi esepteý týraly jańa esebin jarııalady, ol pandemııa kezinde álemdegi adamdardyń ómir súrý uzaqtyǵy eki jylǵa qysqarǵanyn anyq kórsetedi», dedi DDU-nyń Reseıdegi ókili.
IV Halyqaralyq «Health age. Belsendi uzaq ómir súrý» kongressinde sóz sóılegen Výınovıch qazirgi ýaqytta ómir súrý uzaqtyǵy 72 jarym jyldan 71 jasqa deıin tómendegenin aıtty. Tómendeý 1950 jyldan beri alǵash ret baıqalǵan.
DDU ókili atap ótkendeı, koronavırýstyq ınfeksııamen aýyrý álemniń 70 elinde áli de órship tur. DDU basshysy Tedros Adhanom Gebreııýs bul memleketterdiń basym bóligi shekteý sharalaryn alyp tastaǵanynan bolyp jatqanyn túsindirdi.