Dala tósindegi dúbir

Aýyl sharýashylyǵy mı­nıs­­tr­ligi О́simdik sharýa­shy­lyǵy de­par­tamentiniń dırektory Azat Sul­tanovtyń aıtýyn­sha, egis naý­qanyn ońtaıly jáne ýaqtyly ótkizý úshin mem­leket tarapynan tıisti sharalar qabyldanǵan. Bıyl shar­ýalarǵa buryn-sońdy bol­ma­ǵan kómek kórsetilip jatyr.

– Prezıdent Qasym-Jomart Toqaev­tyń tapsyrmasy­na sáı­kes, aýyl sharýa­shy­ly­ǵyn qarjy­lan­dy­rý kólemi ul­ǵaı­­tyl­dy. Bul eldiń azyq-tú­lik qaýipsizdigin sapaly qam­tamasyz etýge múmkindik beredi. Agroónerkásip keshenin mem­lekettik qol­daýǵa bólingen qosymsha qarajatty eskere otyryp, respýblıkalyq bıýd­jet­ti naqtylaý nátıjeleri boıynsha 449 mlrd teńge kóz­del­gen, – dedi A.Sultanov.

Bir ǵana ósimdik sharýa­shy­ly­ǵynyń ózine 107,2 mlrd teńge ba­ǵyttalady. Son­daı-aq áleý­met­tik nan óndirisiniń ma­ńyz­­dy­ly­ǵyn eskere otyryp, astyqty sýbsıdııalaý úshin 9,2 mlrd teńge kózdelgen.

Ákimdikterdiń derekterine súıensek, bıyl jalpy egis alańy 23 mln gektardy qurap otyr. Bul byltyrǵy deńgeıden 105 myń gektarǵa kóp.

Sondaı-aq bıyl jemshóp daqyl­da­ry­nyń alańyn 3,6 mln gektarǵa ulǵaıtý josparlanyp otyr. Bul jemshópti kóbirek ón­dirýge jáne muq­taj óńirlerdi qam­­ta­masyz etýge múmkindik bere­di. Sony­men qatar kartop, kún­baǵys, kókónis, ıaǵnı áleý­met­tik da­qyl­­dar egiletin alqaptar da ul­­ǵaıtyldy. Osy jyldyń óni­­mine egis naýqanyn júrgizý úshin 2,3 mln tonna tuqym sebildi.

– Egis jumystary barlyq ob­lysta qyzý júrgizilip jatyr. Atap aıtqanda, ázirshe 2,9 mln gektarǵa jazdyq daqyldar, onyń ishinde 1,5 mln gektarǵa maıly da­qyldar, 231,2 myń gektarǵa dán­dik júgeri, 309,6 myń gektarǵa kóp­jyldyq shóp­ter, 133,4 myń gek­ta­r­ǵa kar­top, 128,7 myń gek­tar­ǵa kó­kónis egildi, – dedi departament dırektory.

Aýyl sharýashylyǵy taýar óndirý­shi­le­rin tyńaıt­qysh­tarmen qamtamasyz etý jumystary da oıdaǵydaı. Bıyl barlyǵy 670 myń tonnadan astam tyńaıtqysh en­gi­zý josparlanǵan. Qazir 308,1 myń tonna nemese jos­par­dyń 46 paıyzy tıeldi.

– Úkimet qoldaýy arqy­ly otan­d­yq mı­neraldy tyńaıt­qysh­­tardy ón­di­rý­shi­lermen agra­rıı­lerdiń qajet­ti­lik­terin qam­ta­­masyz etý týraly ýaǵda­las­­tyqqa qol jetkizildi. Ammıak selıtra­synyń baǵasy 200 myń teń­ge­den 160 myń teń­gege deıin tó­mendedi. Tyńaıt­qysh­tar baǵa­syn tómen­detý boıynsha qosym­sha jumystar jalǵasýda, – dep naqtylady ol.

Qazirgi egis naýqanyna 144 myń traktor, 4,7 myń birlik joǵary ónimdi egis kesheni, 77 myń birlik astyq sepkish, 221 myń basqa da topyraq óńdeý quraldary qoldanylýda.

Egis jumystaryn júrgizý úshin 400,2 myń tonna dızel otyny bólindi. Byltyr 380 myń tonna qarastyrylǵan edi. Sondaı-aq bıyl kóktemgi dala jumystaryn júr­gi­zýdi qar­jy­lan­dyrý úshin 140 mlrd teń­ge kóleminde bıýd­jet­tik nesıe bólindi. As­tyq­ty forvardtyq satyp alý sheńberinde 80 mlrd teńge kózdelgen.

– Kóktemgi dala jumys­ta­ryn ta­bysty júrgizý Aýyl shar­ýa­shy­lyǵy mınıs­trli­gi­niń turaqty jáne erekshe baqy­la­ýyn­da ekenin atap ótý kerek. Osy maqsatta mı­nıs­­trlikte kóktemgi dala ju­mys­ta­ryn júr­gizýdiń barlyq má­se­lesin ýaqtyly sheshýge arnal­ǵan jedel shtab qurylyp, atalǵan baǵyttaǵy jumystarǵa erekshe mán berilgen, – dedi A.Sultanov.