О́kinishke qaraı, elimizde metabolıttik aýrýlar kóbeıip keledi. Neırometabolıttik jáne mıtohondrııalyq aýrýlary bar balalarǵa dıagnostıka jasaý – kúrdeli is. Osy máseleler tóńireginde jáne balalar jyly aıasynda Nur-Sultan qalasy ákimdiginiń №2 kópbeıindi qalalyq balalar aýrýhanasynda professor Rýdı van Kosterdiń qatysýymen sheberlik sabaǵy ótti.
Professor Rýdı Van Koster – neırometabolıttik jáne mıtohondrııalyq aýrýlardyń áıgili sarapshysy. Mamandardyń pikirine qaraǵanda, neırometabolıttik jáne mıtohondrııalyq aýrýlary bar balalarǵa dıagnostıka jasaý máselesi ózekti bolyp otyr. Professor Rýdı Van Koster neırometabolıttik jáne mıtohondrııalyq aýrýlardy erte dıagnostıkalaý boıynsha bilimi men tájirıbesin jáne osy patologııasy bar balalardy emdeýdiń yqtımal tásilderin Qazaqstan dárigerlerimen bólisip, mańyzdy oılaryn ortaǵa saldy. Sonymen birge aýyr naýqasqa shaldyqqandardyń klınıkalyq jaǵdaılaryna úńildi. Aldaǵy ýaqytta mundaı sheberlik sabaqtary jyl saıyn ótkizilip otyrmaq.