Sáýirdiń 17-sinen 18-ine qaraǵan túni Meksıkada álemdik deńgeıdegi jazýshy, Nobel syılyǵynyń laýreaty Gabrıel Garsıa Markes qaıtys boldy. Bul týraly jergilikti BAQ materıaldaryna súıengen VVS habarlady.
Budan birneshe saǵat buryn kolýmbııalyq jazýshy Mehıko aýrýhanasynan úıine shyǵarylǵan eken. Tanymal qalamger munda aýrýy ókpe ınfeksııasy men organızmniń muzdaýyna baılanysty em aldy. Em antıbıotıkter arqyly jasaldy.
Gabrıel Garsıa Markes – kolýmbııalyq belgili qalamger, jazýshy, jýrnalıst, baspager, Nobel syılyǵynyń 1982 jylǵy laýreaty.
Markes ádebıettegi «magıkalyq realızm» dep atalatyn baǵyttyń ókili jáne Latyn Amerıkasy men álem ádebıetiniń jıyrmasynshy ǵasyrdaǵy kórnekti sheberi bolyp tabylady. Onyń tańdaýly shyǵarmalary arasynda «Júz jyldyq jalǵyzdyq», «Patrıarhtyń kúzi» jáne «Polkovnıkke eshkim hat jazbaıdy» romandary bar.
Murat Aıtqoja.
Derekkóz: VVS.