Jambyldyq polıseıler eki kún ishinde tórt qarý, granata jáne 40 patron tapty, dep habarlaıdy Egemen.kz Polisia.kz-ke silteme jasap.
Jambyl oblysy Polısııa departamentiniń qyzmetkerleri jappaı tártipsizdik barysynda urlanǵan qarýdyń ornalasqan jerin anyqtaý boıynsha kún saıyn izdestirý jumystaryn júrgizýde. Jedel-izdestirý is-sharalaryn júrgizý kezinde polısııa qyzmetkerleri oblys ortalyǵynyń aýmaǵynda tórt qarý, eki granata, patron, elektroshoker, shtyq-pyshaq taýyp, tárkiledi.Tabylǵan qarýlar arasynda oqjatary bar Kalashnıkov avtomaty, TOZ-BM eki uńǵyly ańshylyq myltyǵy, EKOL Special 99 travmatıkalyq tapanshasy, Makarovtyń tapanshasynyń oqjatary, GSZ eki granata, EShÝ-200 eki elektrshokeri, shtyk-pyshaq, 9 mm kalıbrli 40 patron, bos kalıbri 16 mm gılzalar tabyldy.Qazaqstan Respýblıkasy Qylmystyq kodeksiniń 287-baby 3-bóligi (Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) boıynsha sotqa deıingi tergeý amaldary bastaldy. Tabylǵan qarýlarǵa sot-ballıstıkalyq saraptamasy taǵaıyndaldy.
Aıana Toǵanbek