Sarapshylardyń pikiri boıynsha, Qazaqstanda un bir aıda 8 paıyzǵa, bir jylda birden 23 paıyzǵa qymbattaǵan, dep habarlaıdy Egemen.kz.
Energyprom.kz saıtynyń málimetinshe, joǵary sapaly unnyń quny 301 teńge, birinshi sortty únnyń kelisi 200 teńge boldy.
«Aı saıynǵy dınamıka boıynsha un birden Jambyl oblysynda 22,6%-ǵa, Batys Qazaqstan oblysynda 15%-ǵa, Túrkistan oblysynda 14,1%-ǵa qymbattady», deıdi mamandar.
Jyldyq dınamıka boıynsha baǵanyń ósýin ásirese Jambyl oblysynyń turǵyndary sezindi: birden jylyna 50,6%-ǵa qymbattaǵan.
Úshtikke Soltústik Qazaqstan jáne Túrkistan oblystary kirdi: sáıkesinshe 28,5% jáne 27,9%.
Zertteýge sáıkes, elimizdiń iri qalalarynyń ishinde eń joǵary surypty un elordada qymbat (kg 369 teńge), eń arzany Pavlodarda (205 teńge) boldy.
Elorda turǵyndary úshin birinshi surypty un da qymbat (263 teńge), eń arzan un Petropavlda (139 teńge).
Aıta keteıik, 2022 jyldyń qańtar-sáýir aılarynda elimizde dándi daqyldardan 1,2 mln tonna un óndirildi, bul ótken jylmen salystyrǵanda 4,6%-ǵa artyq.
О́ńirler boıynsha qarastyrsaq, eń kóp un Qostanaı oblysynda óndirildi: 399,9 myń tonna.
Gúldana Elýbaı